Ainhizeren Bloga

'Gaztesarea.info'-k ixtea erabaki du, iazko polizia operazioagatik

2010-01-13T11:45:00.000-08:00

Guardia Zibilak egindako operazioak "normaltasunez aritzeko oztopoak" ekarri dizkio gazteen webguneari, "aurrera jarraitzea ia ezinezko egiteraino", gaur oharrean jakinarazi duenez. 2003ko martxoan jarri zuten abian ataria, eta "gazteriak behar izan dituen tresnak" sortu ditu.

Albistea osorik irakurri nahi izanez gero, hemen behean klikatu!

http://www.berria.info/albisteak/38563/Gaztesarea.info-k_ixtea_erabaki_du_iazko_polizia_operazioagatik.htm

Euskararen erabilera telebistan

2010-01-07T09:34:00.000-08:00

Hona hemen, Aurkene Gil, Jonebati Zabala eta nik egindako bideolana. Gaur egun euskarazko telebista kateek ez dute arrakasta gehiegirik euren programazioa dela eta. Bideo honetan, ikuslegoa handitzeko zenbait gomendio ematen ditugu.

Celda 211

2010-01-06T14:32:00.000-08:00

Pasadan asteburuan, kuadrillan ez genuen plan interesgarririk, orduan lagun batekin Mega Park-eko zinemara joan nintzen. Nahiz eta plan sinple zamarra izan, nire planik gustokoenetako bat da eta kriston ondo pasatu genuen. Gauza da, nire lagunak Avatar film famatua ikusi nahi zuela baina nik ez, eta gainera 3 ordu zine aretoan sartuta... pufa... ez nuen nire burua hor ikusten. Orduan, Celda 211 film espainiarra ikustea erabaki genuen. Normalean ez ditut film espainiarrak atsegin, baina pelikula hark benetan harrituta utzi ninduen ze oso ona izateaz gain, aktoreak ere onak ziren. Beraz, euria egiten badu eta ez baduzue plan interesgarririk, zinemara joan eta Celda 211 ikusi! Merezi du eta!

Beste klasiko bat: Gone with the Wind

2009-12-28T06:57:00.000-08:00

Gone with the Wind (Lo que el Viento se llevó gaztelaniaz)Margaret Mitchell idazle estatu batuarraren elaberrian oinarritzen den pelikula da. 1936. urtean Margaret-ek bere elaberria publikatu zuen eta kristoneko arrakasta lortu ostean, urte bereko ekainean zinemara pasatu zuten. Pertsonaia nagusiak Scarlett O'Hara (Vivien Leigh) eta Rhett Butler (Clark Gable) dira.

Pelikulak, Scarlett-en historia kontatzen du eta amodio pelikula dela esan daiteke. Amaiera ez da oso zoriontsua, baina pelikula benetan gomendatzeko modukoa da, zinearen historian benetan garrantzitsua den filma baita.

Jane Austen idazle ingelesaren klasikorik klasikoena

2009-12-18T15:01:00.000-08:00

Gaur egun, zaila da era honetako amodio istorioak bizitzea eta baita jendearen gustukoak izatea ere, baina amodiozko elaberrien historian leku garrantzitsu bat betetzen duen Pride and Prejudice (Orgullo y Prejuicio gaztelaniaz) liburuak garai hartako eguneroko bizitzara eta benetako amodioaren mundura eramango zaitu. Nahi izanez gero, liburua irakurtzea ideia ona dela iruditzen zait eta irakurtzeko denborarik ez baduzu edo liburuak ez badituzu atsegin, Keira Knightley-k eta Matthew Mcfayden-ek sortutako pelikula ikus dezakezu. Nire iritzi merkean, oso film ona da baina benetan ona dena, elaberria da beraz, badakizu Olentzerori ze eskatu!

Hemen azpian, pelikularen trailerra utziko dizut, nahi izanez gero ikus dezazun baina ojo! ingelesez dago.

Nafarroako Bardeak

2009-12-17T15:23:00.001-08:00

Urtero urtero, gabonetan agertzen diren iragarki famatu batzuk

2009-12-14T12:59:00.000-08:00

Ajax eta Feyenoorden arteko partiduan, bi holandar gaztek leherkari bat egin eta hamabost pertsona zauritu dituzte futbol armailetan

2009-12-13T12:46:00.000-08:00

Irratiaren izena: Arroletza irratia.

Albistegiaren izena: Goizean goiz.

Erredaktorea: Ainhize Castro Arranz.

Hizlaria: Ainhize Castro Arranz.

Atala: Goizeko atala.

Iraupena: 23 segundu.

18 eta 19 urte bitarteko bi holandarrei, hamar hilabetetako kartzela zigorra ezarri zien Amsterdameko epaitegi batek futbol partidu batean leherkari batekin, 15 pertsona zauritzeagatik. Nahiz eta 300 polizi eta gainerako segurtasun neurriak egon, bi gazteek, euren helburua bete zuten eta epaitegiak zaurituetariko hamarrei indemnizazioa ematera behartu ditu.

From the land of the Wolf

2009-12-06T13:00:00.000-08:00

Iragarki hau, Eristoff Black edariaren ingurukoa da eta benetan ona iruditzen zait nahiz eta honen zergatia ez jakin. Izan daiteke arraroa (zentzu onean) edo diferentea delako, normalean ez ditugulako era honetako iragarkiak ikusten. Edo baita pelikula baten antzekoa delako, hau da; hasieran pelikula berri baten trailerra edo dirudi eta gero, amaieran, vodka marka baten iragarkia dela konturatzen zara.

Martxelo Otamendi: "Herritarren bultzadarekin auzia irabaztea lortuko dugu"

2009-12-02T11:38:00.000-08:00

'Egunkaria'-ko auzipetuak gaur hitzaldia emango du Zizurkilen. Elkarrizketa egin dio 'Tolosaldeko eta Leitzaldeko Hitza'-k.

"Prozesu demokratikoa sostengatu, errepresioa gelditu" lelopean, mobilizazioak Irlandan

2009-12-02T11:34:00.000-08:00

Pasa den larunbatean Irlandako Irish Basque Solidarity Committees-ek antolatuta bi elkarretaratze egin zituzten Belfasten eta Dublinen Batasuna eztabaidatzen ari den prozesu demokratikoa bultzatzeko. Prozesu demokratikoa sostengatu, errepresioa gelditu lelopean, Dublinen 40 lagun eta Belfasten 60 elkartu zirela jakinarazi dio ohar bidez Irish Basque Solidarity Committees-ek Amnistiaren Aldeko Mugimenduari.

Berria osorik irakurri nahi baduzu, beheko linkean klikatu ezazu!

http://www.berria.info/albisteak/37739/Prozesu_demokratikoa_sostengatu_errepresioa_gelditu_lelopean_mobilizazioak_Irlandan.htm

Proiektu guztiak eskubide guztiak!

2009-11-25T11:27:00.000-08:00

34 atxilotuei elkartasuna adierazteko manifestazioa egingo dute larunbatean, Bilbon.

17:00etan irtengo da martxa Aita Donostia plazatik. Inkomunikatuta dauzkate atzotik 34 gazteak, NBEk Espainiari lehengo astean eskatutakoari muzin eginda. Segi gazte erakundearekin lotura dutelakoan atzeman zituzten atzo.

Berria irakurri nahi izanez gero, behean ikus dezakezuen linkean klik egin!

http://www.berria.info/albisteak/37593/34_atxilotuei_elkartasuna_adierazteko_manifestazioa_egingo_dute_larunbatean_Bilbon.htm

Lete: «Elkartzeko behar du bizitzak, ez aurka egiteko»

2009-11-25T11:20:00.000-08:00

Euskadi Literatura saria jaso du idazleak, Elena Odriozola, Antton Olano, Ruben Ruiz eta Luisa Etxenikerekin batera, Bilbon.

GARIKOITZ GOIKOETXEA.

Bilbo

Falta direnak oroituz jaso du Xabier Letek Euskadi Literatura saria. «Ni bizi naiz fisikoki, baina sari hau Lourdesentzat ere bada». Lourdes Iriondo emaztea hil ondorenetik hasi baitzen Lete saria eman dion Egunsentiaren esku izoztuak (Pamiela) liburuaren argia ikusten. Nondik bideratu asmatzen. «Erreferente erabat nagusia du liburuak, Lourdes. Hori gabe ez zitekeen. Haren amaierarekin batera ikusi nion liburuari ardatz nagusia». Leterena izan zen sari-hartzerik hunkigarriena Euskadi Literatura sarien banatze ekitaldian, atzo, Bilbon. Gaixoaldiak jota denbora luzean egon da Lete, eta jendaurrean hitz egiten ez zuela bazen denbora. Ordea, hizketarako dotorezia ez dio herdoildu jendaurrean aspaldi aritu ez izanak. Eta hark jaso zituen sari emate ekitaldira bildutakoen txalorik handienak. Esker onez jaso zuen saria, bultzada direlakoan baitago. «Sariak ez dira beharrezko, baina neurri batean bihotz bakartiak garenez gutxiago edo gehiago, ongi etortzen zaigu albokoengandik errekonozimendua eta alaitasuna».

Albistea osorik irakurtzeko, beheko linkean klikatu!

http://paperekoa.berria.info/plaza/2009-11-25/038/005/Lete_«Elkartzeko_behar_du_bizitzak_ez_aurka_egiteko».htm

Hasian Hasi (Henri Duhau)

2009-11-19T13:03:00.000-08:00

Henri Duhau idazlearen "Hasian Hasi" liburu berria argitaratu da eta bertan Beskoitzeko euskararen berezitasunak azaltzen dira, Beskoitzeko biztanleen eguneroko bizitzarekin batera. Bestalde, urriaren 16an(larunbata), goizeko 11etan, Beskoitzeko herriko etxean Henri Duhauk bere liburuaren aurkezpena egingo du.

Ondoko argazkian, gure Henri Duhau agertzen da.

"Alakrana" aske, 47 egunen ostean

2009-11-17T13:05:00.000-08:00

Zapaterok baieztatu du albistea, 14:25ean. "Arrantzaleak onik daude". Reuters berri agentziaren arabera, Bermeoko atunontziko 36 lagunak 2,3 milioi euroren truke utzi dituzte libre. Urriaren 2an bahitu zuten Indiako Ozeanoan, Somaliako kostatik 400en bat miliara. Tripulazioko zazpi kide euskal herritarrak dira.

Alboan ikus daitekeen argazkian, arrantzaleen senideak eta Bermeoko alkatea ageri dira.Bestalde, gaiaren inguruko informazio gehiago irakurtzeko, hemen behean klikatu:

http://www.berria.info/albisteak/37429/Alakrana_aske_47_egunen_ostean.htm

Iragarki kurioso bat

2009-11-09T12:46:00.000-08:00

Behean ikus dezakegun iragarkia, Gillette markak sortutakoa da, "El Hombre Lija" publizitate kanpainiarentzat. Gauza da, berritasuna daukala innobazioa, eta aldi berean barregarria den iragarkia dela eta bi faktore hauei esker deigarria ere bada. Gainera kanpainia berri honetan Espainia mailan famatuak diren aktoresa eta modelo askok parte hartu dute, kanpainia are deigarriagoa eginez.

2009-11-06T02:36:00.000-08:00

"Hiru egun barru Espainiak preso dauzkan bi piratak askatu ezean, bahitutako hiru arrantzale hil egingo dituzte"

'Alakrana' Bermeoko atunontziaren bahitzaileek egindako mehatxua da hori, Blach patroiak jakinarazi duenez. Euskal herritar bat eta bi galiziar dira gaur goizean piratek Somaliara eraman dituztenak. Espainiako Gobernuaren jarrera kritikatu du Blachek, "berak bi pirata dituelako preso baina gu hemen 36 lagun gaude". Lopez Jaurlaritzako lehendakaria Arrantza ministroarekin batu da, premiazko batzarrean.

Sarreratxo txiki honekin batera, Bermeoko alkatea den Xabier Legarretari egindako elkarrizketaren eta albiste osoaren linka jarriko dut.

* http://www.berria.info/elkarrizketak/199/Xabier_Legarreta.htm

* http://www.berria.info/euskalherria/

Amodiozko filma dirudien iragarkia

2009-11-04T03:37:00.000-08:00

Orain duela bi urte edo, Chanel markak bere lurrin famatuena iragartzeko egin zuen iragarkia da. Oso iragarki ona eta deigarria dela pentsatzen dut eta niri pertsonalki asko gustatzen zait, hau dela eta jarri dut blogean. Ikusi nuen lehenengo aldian, ez nekien lurrin baten inguruko iragarkia zenik, egia esan, Nicole Kidman aktoresa famatuaren pelikula berria zela pentsatu nuen. Bestalde, asko landu den iragarkia dela uste dut eta nahiz eta lurrinaren inguruko ezaugarririk edo bitxitasunik ez agertu,soilik iragarkia baten ikustearekin erosi nahi duzu lurrina. Hau gertatzen da, iragarkiak, gaur egun pertsona gehienek desiratzen dutena islatzen duelako; famatua, diru asko, gaztea, polita izatea eta mutil lirain batekin egotea.

PSE eta PP salatu ditu EAk, presoei EHUn ikasteko eskubidea ukatzeagatik

2009-11-01T12:26:00.000-08:00

2009-10-26T15:48:00.001-07:00

Bestalde, nire ahotsa kontuan hartuz, Afrikaren lan bera egin dezakedala pentsatzen dut hau da; teleberria aurkeztu edota eguraldia ere.

Afrika Baeta

2009-10-26T15:26:00.000-07:00

Afrika Baeta kataluniarrak, asteburuetako Teleberria aurkezten du ETB2 katean. Nire ustez, bere lanean aritzeko, bere ahotsa ezin egokiagoa da eta gainera nire iritzi merkean, kazetari ona da.